رعاية مركز انسان لمهرجان مدينة زويل للعلوم والتكنولوجيا

صفحة جديدة منورة فى كتاب رسالة مركز إنسان ... رسالة الإنسانية والعلم والثقافة والوعى و حب وطننا .. صفحة عنوانها .. مهرجان مدينة زويل للعلوم ..

نعلن لكم إن مركز إنسان متمثلا فى دكتور سامح شاكر مدير المركز وقع مع اتحاد طلاب مدينة زويل للعلوم والتكنولوجيا عقد رعاية المهرجان .. وهو أهم حدث فى مدينة زويل .. هيكون فى الفترة من 1 إلى 9 سبتمبر . المهرجان فكرته باختصار .. رحلة شيقة داخل مدينة زويل تتعرفوا من خلالها على سير علماء عظماء نوروا الإنسانية بعلمهم واختراعاتهم .. تقابلوهم تتكلموا معاهم . تسمعوا منهم شرح بطريقة مبسطة للعلوم المختلفة يفهما المتخصص والغير متخصص . تتعرفوا على أقسام مدينة زويل وتخصصاتها الفريدة ... فرصة تعرفوا وتشوفوا عن قرب أكبر صرح علمى فى الشرق الأوسط .. فرص لكم ولأطفالكم كمان يحبوا العلم والتعليم ويكون حافز لهم إنهم ينجحوا ويكون لهم هدف فى الحياة فعاليات كتير على مدار 3 أيام .. استعدوا من دلوقتى .. Zewail City Science Festival